رحلة 5 أيام 4 ليالي شهر عسل في بوكيت

اليوم 1: السفر إلى بوكيت

• أول ما توصل تايلاند هتلاقي مندوب شركتنا مستنيك في مطار بوكيت الدولي هيستقبلك بكل ترحاب وهينقلك للفندق اللي حجزته مسبقا.
• بعد ما توصل الفندق، هتسجل الدخول وتفك شنطك وبعدها هتقدر تستريح وتستكشف الفندق وخدماته.
• باقي اليوم هيكون فرصة ليك تستكشف مدينة بوكيت بنفسك وتزور الأسواق الليلية الجميلة هناك.

اليوم 2: أجمل الأماكن السياحية للعرسان

• تبدأ يومك بفطار لذيذ في الفندق وبعدها تستعد لجولات سياحية مميزة مخصوصة للعرسان في بوكيت.
• في نهاية اليوم هترجع للفندق تقضي الليلة هناك.

اليوم 3: زيارة أماكن سياحية مميزة

• بعد فطارك في الفندق هتبدأ جولتك في أجمل شواطئ جزيرة بوكيت وأشهرهم شاطئ باتونج الموجود على الساحل الغربي هناك هتقضي وقت ممتع قدام البحر مع مشروبات استوائية وجلسة تدليك تايلاندي.
• بعدها هتزور حديقة آو بان ناه الوطنية واحدة من أهم الوجهات السياحية في بوكيت الحديقة عبارة عن أرخبيل فيه حوالي 40 جزيرة مليانة نباتات وحيوانات نادرة وبركة مياه زرقاء وأعمدة ضخمة من الحجر الجيري.
• في نهاية اليوم هترجع للفندق للمبيت.

اليوم 4: أماكن التسوق والترفيه

• ابدأ يومك بفطار شهي في المنتجع وبعدها توجه لزيارة فنتازيا بوكيت المكان ده بيقدم عروض مسرحية مبهرة من فنانين محليين بجانب عروض الأفيال والحيوانات المدربة اللي بتعرفك على تاريخ بوكيت. كمان هتجرب الأكل التايلاندي الحار.
• بعد كده زور حديقة سيرينات الوطنية اللي بتمتد على 13 كم من شواطئ بوكيت الشمالية الغربية الحديقة مشهورة بغاباتها الكثيفة زي الصنوبر والمانجروف وفيها كائنات بحرية زي سلاحف البحر وسرطان البحر.
• اختتم اليوم بزيارة شاطئ كاتا نوي أصغر شواطئ بوكيت بس من أجملهم هناك هتلاقي مياه صافية ومكان رائع لرياضة ركوب الأمواج والغوص. وفي الآخر استمتع بالغروب في أحد البارات المطلة على الشاطئ.
• المبيت في الفندق في بوكيت.

اليوم 5: المغادرة والعودة للوطن

• ده آخر يوم في رحلتك الجميلة بعد ما تاخد فطارك هيتم نقلك للمطار عشان تستقل رحلة العودة للوطن