6 أيام 5 ليالي فى دبي و أبو ظبي

اليوم الأول: أسواق دبي

• يومنا هيبدأ بجولة في أسواق دبي الشعبية اللي هترجعك بالزمن لزمان بداية من سوق الدهب القديم هتلاقي فيه كل أشكال المصوغات سواء القديمة أو الحديثة. بعد كده، هنروح سوق التوابل وهنشوف أنواع كتير من البهارات اللي جاية من الهند ودول تانية كتير. الجولة هتكمل في سوق نايف اللي يعتبر واحد من أقدم الأسواق وفي الآخر هنختم اليوم بتجربة أكلات بحرية إماراتية في مطاعم سوق السمك المشهورة.
• الأنشطة: تسوق - معالم تاريخية - أكل.

اليوم الثاني: برج خليفة ونافورة دبي

• اليوم ده مليان متعة وإثارة أول حاجة هنطلع قمة برج خليفة أعلى برج في العالم وبعدها هنروح دبي أكواريوم أكبر حوض سمك في العالم عشان نشوف الكائنات البحرية الرهيبة. بعد كده هنروح دبي مول للتسوق من أشهر وأرقى الماركات العالمية ونختم اليوم مع عرض نافورة دبي الراقصة.
• الأنشطة: تسوق - أكواريوم - مشاهدة عروض.

اليوم الثالث: رحلة آي إم جي المغامرات

• استعد ليوم مليان مغامرات وإثارة في آي إم جي هتلعب ألعاب مثيرة تتفرج على عروض ممتعة وتقابل شخصيات كرتونية من Cartoon Network و Marvel Super Heroes. كمان هتلاقي مطاعم مميزة وأماكن تسوق فريدة.
• الأنشطة: ترفيه - ألعاب - تسوق.

اليوم الرابع: رحلة السفاري في الصحراء

• اليوم ده مليان مغامرات في صحراء دبي. هننطلق للتزلج على الرمال نجرب الحلويات الإماراتية، ونستمتع بركوب الدراجات والجمال. في الآخر هنختم بتخييم وسط الصحراء وقضاء ليلة رومانسية تعيشك في أجواء التراث العربي الأصيل.
• الأنشطة: طبيعة - تخييم - مغامرات.

اليوم الخامس: رحلة منطاد أطلانتس

• رحلة فريدة تبدأ من منتجع أطلانتس الشهير وهنطير بمنطاد فوق شواطئ دبي الساحرة. تجربة ولا أروع هتخليك تشوف دبي من زاوية مختلفة تماما.
• الأنشطة: منطاد - ترفيه.

اليوم السادس: رحلة أبو ظبي

• في آخر يوم هنروح في رحلة لأبو ظبي عاصمة الإمارات وهنزور مسجد الشيخ زايد اللي يعتبر تحفة معمارية. بعد كده هنروح عالم فراري وياس أبلاند وهنختم بجولة في أسواق ومولات المدينة الضخمة.
• الأنشطة: أماكن دينية - معالم تاريخية - تسوق.