7 أيام 6 ليالي فى ماليزيا: زيارة أشهر الأماكن في كوالالمبور وبينانج

اليوم الأول
هنستقبلك في المطار وننقلك على الفندق علشان تستلم غرفتك وتاخد راحتك من عناء السفر. هتقضي يوم هادي وجميل في الفندق وتستمتع بكل خدماته.

اليوم الثاني
هتكون قدامك اختيارات لليوم ده: إما تروح مدينة صنواي لاجون الترفيهية أو ممكن تروح جولة سياحية مع سواق خاص هتقدر تشوف كتير من المعالم السياحية في سيلانجور.

اليوم الثالث
هنوصلك من الفندق في سيلانجور لحد مطار كوالالمبور الداخلي علشان تطير إلى جزيرة بينانج الرحلة هتكون قصيرة حوالي 50 دقيقة أول ما توصل المطار في بينانج هنستقبلك ونوصلك على الفندق علشان ترتاح وتستجم.

اليوم الرابع
في اليوم ده هتروح رحلة سياحية مدتها 8 ساعات مع سواق خاص هتزور هضبة بينانج ومعبد بوذا النائم و متحف بينانج و حديقة النباتات والقرود و البيت المقلوب وأماكن لبيع القهوة والشوكولاتة.

اليوم الخامس
هنوصلك من الفندق في بينانج للمطار علشان تطير إلى كوالالمبور أول ما توصل هنستقبلك في المطار ونوصلك على الفندق علشان ترتاح وتستمتع بالخدمات الموجودة في الفندق لبقية اليوم.

اليوم السادس
هتروح في جولة سياحية لمدة 8 ساعات مع سواق خاص علشان تزور: حديقة الحيوان، المعبد الهندي، الشلالات، عالم تحت الماء، ومنارة كوالالمبور.

اليوم السابع
هنوصلك من الفندق إلى مطار كوالالمبور الدولي علشان تسافر وترجع لبلدك بعد رحلة مليانة ذكريات حلوة.