7 ايام لتركيا: اسطنبول, بولو و كابادوكيا
7 ايام لتركيا: اسطنبول, بولو و كابادوكيا
اليوم الاول: اسطنبول (تقسيم - غلاطة - البوسفور)
- رحلة بين تاريخ اسطنبول وطبيعتها
- هنبدأ يومنا بزيارة ميدان تقسيم المشهور ومسجده الرائع وبعدها هنمشي في شارع الاستقلال ونجرب ركوب الترامواي اللي بيعتبر أيقونة الشارع ونتفرج على المحلات والكافيهات والمطاعم والمعالم التاريخية. بعد كده هنطلع برج غلاطة علشان نستمتع بأحلى إطلالة على اسطنبول. هنروح بعد كده مول غلاطة بورت اللي بيطل على البوسفور وفي النهاية هنختم اليوم في منطقة أورتاكوي بأجواءها التاريخية المميزة وكافيهاتها الجميلة.
- الأنشطة: أماكن دينية - متاجر - معالم أثرية - قصر عثماني - مول
اليوم الثانى: توبكابي - السليمانية - الفاتح
- جولة في أعماق التاريخ العثماني
- هنزور متحف التوبكابي (بانوراما 1453) وبعد كده هنروح مسجد السلطان سليمان ونقعد في الكافيهات اللي على البوسفور. بعد كده هنروح مسجد الفاتح وشارع فوزي باشا علشان نتسوق.
- الأنشطة: مساجد - معالم أثرية
اليوم الثالث: اسطنبول الآسيوية (إسكودار & تشاملجا)
- رحلة في اسطنبول الآسيوية ومعالمها الساحرة
- هنبدأ يومنا في حديقة الفاتح اللي ليها إطلالة بانورامية على البوسفور واسطنبول وبعدها هنروح كافيهات إسكودار وساحل البوسفور. هنزور كمان مسجد تشاملجا وتلة العرائس للاستمتاع بالطبيعة.
اليوم الرابع: بولو (بحيرة أبانت)
- نزهة على صفاف أبانت
- هنروح بحيرة أبانت الشهيرة ونتفسح حوالين البحيرة سواء بالمشي على ضفافها أو بركوب الحنطور. وفي الآخر هنزور مركز التسوق.
اليوم الخامس: شمال كابادوكيا
- رحلة بين صخور كابادوكيا
- هنبدأ جولتنا في شمال كابادوكيا ونزور المتاحف الأثرية ونتفرج على التشكيلات الصخرية البركانية والكنائس المحفورة في الصخر. كمان هنزور قلعة أوج حصار ونستمتع بالجولة قبل ما نسلم غرف الفندق.
اليوم السادس: كابادوكيا - رحلة المناطيد
- حلق في المناطيد فوق كابادوكيا
- هنروح منطقة انطلاق المناطيد وهنسمع تعليمات السلامة من الطيار قبل ما نبدأ رحلتنا الممتعة فوق وديان وجبال كابادوكيا وهنستمتع بمنظر طبيعي مش هيتنسي.
اليوم السابع: كبادوكيا (رحلة الوديان)
- الرحلة هتبدأ بوادي الجن وده مكان مميز بغرفه الصخرية اللي محفورة جوه الصخور. بعد كده هنروح وادي العشاق ونتجول وسط التكوينات الصخرية اللي شكلها يخطف العين. في آخر الجولة هنزور وادي الفخار اللي فيه منتجات فخارية وخزفية رائعة ودي فرصة حلوة تشوف حاجات تقليدية وتتفرج على الحرف اليدوية.